يا جماعه الخبر تم نشرة فى الفيس بووك و اعتقد انه مر على كتير مننا
الاعلان قال التالى :
" تعاونا من الكنيسه واقتناعا بخطورة ظاهرة السرقه على الانترنت قررت اللجنه المجمعيه للتعليم والمصنفات المسيحيه وعلى رأسها نيافة الحبر الجليل الانبا مارتيروس بأنها ترفض رفضا باتا رفع او تحميل اى فيلم او ترانيم او اى منتج بطريقه غير شرعيه وستعلم كافة الابرشيات والكنائس بقرارها وذلك اثناء مؤتمر صحفى تم اليوم الاثنين بكنيسه العذرا بمهمشه مقر اللجنه وستنشر هذا الحرمان بجميع الجرائد وسيتم عمل برنامج خاص على قناة سى تى فى لتوعية والتنبيه بشده على حرمانية سرقة الافلام والاعمال المسيحيه سواء لمن يقوم برفعها او يقوم بتحميلها واعتبرت ان كلا الطرفين مشتركين فى جريمة السرقه وسيقوم قداسة البابا بعمل تنويه عن هذا الموضوع فى محاضرة الاربعاء "
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة وإذا لم تكن فيمكنك تسجيل عضوية جديدة
مجانا ً (
من هنا )
فعلاً انا مش موافقة على الموضوع ده خالص
حتى لما ببعت ترانيم بتكون البومات مرت عليها فترة كبيرة حفظاً لحقوق الملكية الفكرية للناس دى
لأنهم بجد بيتعبوا وبيعملو الافلام والشرايط دى علشان العائد بتاعها يرجع لشركات الإنتاج الأصلية
فلما تشترى البوم ترايم مثلاً من برة بحوالى ستة جنيه ونيجى احنا ننزله على النت فأكيد الناس هتستسهل ومش هتشترى الألبومات دى
فبكدا احنا فعلاً بنضيع تعبهم
كلامك فعلا صح خصوصا ان الفلوس دى بتكون للكنيسه و دى النقطه اللى غايبه عن الكل يعنى مثلا لو انا نزلته من النت فكده بمنع عن الكنيسه الفلوس اللى كانت هتتدفع لو الشخص ده اشتراه من هناك و بالتالى فبرضه بشوفها سرقه و احذ حق مش مملوك لينا .
و كفايه كلام البابا و اللى حاليا اكده قرار " اللجنه المجمعيه للتعليم والمصنفات المسيحيه " و كده اعتقد المفروض كلنا نراجع نفسنا و نحاول نشوف الامور بعمق و ياريت كل الناس متفهمه الموضوع كده كان هيفرق كتير اوى و يغير كتير فينا كمان .
و رغم ان فى ناس بتختلف على موضوع الترانيم القديمه لانها بتقول انها برضه مملوكه للشركه مهما قدمت لكن اهم شئ المبدأ انه فعلا احنا كده بنتصرف بطريقه مترضيش ربنا اننا ناخد تعب غيرنا و نقول عليه خدمه . ياريت الكل فعلا متفاهم زيك و قادر يقرر صح .
تخيلوا ان فى ناس بتهاجم شركات الانتاج و تقول انها كون انها بتحمى حقها فده ضد الخدمه ؟ و ان الخدمه انى اوصل كلمة ربنا للى مش قادرين . طيب هل ربنا قال اوصل الخدمه و الكلمه بطريقه تخلينى اخد حقوق غيرى ؟ رأيكم ايه فى الدوافع اللى بتتقال دى كلها و الناس بتبرر بيها انا تاخد ؟ و بيجادلوا و يناقشوا و توصل لعند . طيب ليه ؟
ربنا معانا و يشملنا برحمته و يقدرنا على اننا نسلك فى طريق وصاياه بالحق و يسندنا و يرشدنا للصالح و الخير لينا
ربنا معاكى و يبارك حياتك بجد و يوفقك و يعوض تعب محبتك و خدمتك و متنسيش تذكرينا فى صلاتك
هام بخصوص الافلام و الترانيم
العرض العادي
